جتـّف خيال الخوف / باسم صالح الحاج

جتف خيال الخوف واصرخ يا سبع ..

دشرك من الخوّان والخاين ضبع ..

قوم الوطن ناداك يا وليدي تعبت ..

حامل ظلم عامات يوم اني شبت ..

يا وليدي انا مرضان من شفتك طبت  ..

بلسم لجرحي  خطاك انت وهالربع ..

جتف خيال الخوف واصرخ يا سبع ..

جيناك يا ابو الشرف يا أعظم الأوطان ..

أعذر سنين المضت عفناك بايد فلان ..

والله نقسم قسم ما نتركك نوبه ..

وتوبه يابونا تظل .. وحدك ألف توبه ..

اعتب علينا يُبا .. وشما قلت موّان ..

إنت تقول افعلوا واحنا علينا السمع ..

جتف خيال الخوف واصرخ يا سبع ..

آشور بارضك ربى .. وكنعان أب عدّك  ..

فينيق فوق النجم .. طار وزرع وردك ..

عيسى النبي يعشقك .. وطه شكثر ودّك ..

شنعد يا مكثر الزينين من ولدك ..

نشعل ويضوي الوطن ونذوب مثل الشمع ..

جتف خيال الخوف واصرخ يا سبع ..

قبّ الشعب وانتفظ ما يقبل العوجه ..

رادوه ينسى الوطن .. بس ثارت الموجه ..

أهل الكهف صحصحم .. والكان خايف دحم ..

والي يموت ارتحم ..

بس ما يعيش بقهر وسلوم ممجوجه ..

وشما عبث هالزّمن العزّ بينا طبع ..

جتف خيال الخوف واصرخ يا سبع ..

ضحكم على الّي انتخى قالم ضبع وينسّ ..

ما دريم انك سبع مو خاين ومندسّ ..

وانك نذرت الروح لاجل النصر يكمل ..

ويعود بيك الوطن متزيّن وأجمل ..

اصرخ لرب العرش سوريّه أرضي وبسّ ..

جتّف خيال الخوف واصرخ يا سبع ..

دشرك من الخوّان والخاين ضبع . .